A Love Story to Tell(Jaydee): Chapter 7: The Break-up

Sa pila palang ka buwan nilang nagka-uyab ni Jaydee, gikapoy na si Hannah sa mga ipang storya sa mga tawo sa iyang palibot.  Hilabihan na ang pag sige ug panaway sa iyang ate ni Jaydee.  Kay dili lagi kini gwapo ug kay tungod atong usa ka incidente nga wala nipatuo si Jaydee sa sugo sa ate ni Hannah nga patawagan ang ilang balay kay para makuha siya sa hospital kung asa siya ning duty.  Sukad ato, naglagot najud ang ate ni Hannah kang Jaydee.  Kung mobisita sad si Jaydee sa ilang balay, ma feel sad ni Hannah nga dili jud ganahan ang iyang mama kang Jaydee.  Daghan sad nga mag sige ug ingon nga dili daw sila bagay.  Sige siya ug sungogon sa mga tita ug tito nga ka opisina sa iyang mama nga mura daw siya ug nasunugan.  Tungod ato naka desidar siya nga buwagan nalang si Jaydee.

“Bhe, kita ta unya ha?  Before mag start among GPM.  Naa koy isulti nimo.” text ni Hannah kang Jaydee.

“Okay bhe.”  ang tubag ni Jaydee. 

Didto sila nag storya sa usa ka tindahan nga namaligya ug burger.  Sa wala pa nagsugod ug storya si Hannah, nakakuha na si Jaydee kung unsa ang gusting istoryahan ni Hannah tungod sa linihukan niini.

“Mag order sa ko daan bhe ha?  Gutom na kayo ko gud.  Unsa man imong ganahan imnon?” paunang istorya ni Jaydee para mawala ang kakulba nga nabati.

“Bisag unsa ra bhe.  Ikaw ra bahala.”

Pagka-abot sa ilang order.  Ning-sugod dayon sa pag storya si Hannah sa iyang tuyo kang Jaydee.

“Bhe, gikapoy nako.  Gikapoy nako sa mga tawo.  Ni ingon man unta ko sa akong self nga dili magpa apekto sa mga gipansulti sa ubang tawo.  Pero samok kayo bhe, sakit kaayo paminawon.  Magbuwag nalang ta bhe.”

Hapit nakahilak si Jaydee sa gisulti ni Hannah.  Bisag unsaon pa niya kini ug storya para dili siya buwagan, wala japun nausab ang huna-huna niini.  Nisugot nalang si Jaydee sa gusto sa iyang hinigugma bisan pa ug sakit kaayo kini para niya.  Para niya kung mao ra kadto ang makapalipay sa iyang uyab kay buhaton nalang jud kadto niya.  Paghuman nila ug istorya, gihatod ni Jaydee si Hannah sa chapel para sa ilang GPM ug niuli na dayon.  Sa tunga-tunga sa GPM nilang Hannah, ning text ug kalit si Jaydee, nangutana kung human aba daw ang ilang GPM ug kung nauli naba kini sa ilaha.

“Wala pa.  Pero hapit na nuon human nag sharing-sharing nalang mi.  Ngano man?” ang tubag ni Hannah.

“Textsi niya ko ha kung mauli naka, naa koy isulti nimo niya.”

Sa pagkahuman sa GPM nilang Hannah, samtang siya galakaw padulong uli, wala siya kasabot sa iyang gibati.  Naguol siya pag-ayo nag huna-huna nga buwag na sila ni Jaydee.  Nakahinumdum siya nga magpa text man diay to siya kung nauli na siya.  Pagka-abot niya sa ilang balay, iya dayon kadtong gi texan.  Pila ka segundo nga siya ni text sa batan-on, nanawag kini kaniya.

“Hi bhe.  Bhe, dili jud nako kaya.  Pagka lakaw nako kanina, ning deretso ko sa Mt. Carmel para mag-ampo.  Nag pray ko sa Ginoo ug nangayo ug sign kung unsa dapat akong buhaton.  Bhe, bahala nana ang mga tawo.  Ayaw lang gud sila paminawa.  Kahibaw man ko nganong dili jud ganahan ang mga tawo nga ako ang imong uyab.  Pero bhe, if magpadala ka sa ilang gisulti, ug imo najud kong biyaan, dili na nako mabuhat nimo ang akong gi promise nimo nga I love ug I care tikaw.  Bhe please.”

Nahilom si Hannah sa gisulti ni Jaydee.  Naghuna-huna kini ug maayo kung unsa jud ang iyang buhaton.  Ganahan kini nga balikan ang uyab pero galibog siya kung makaya paba niya ang mga madunggan niya gikan sa ubang tawo.  Na desisyonan niya nga dili nalang paminawon ang mga ipang sulti sa ubang tawo.  Hatagan niya ug chance si Jaydee nga mopakita sa iyang gugma diha kaniiya.

“I’ll give us a try again bhe.”

“Thank you bhe.  I love you.  I promise, I will love you and take care of you.  Mao baya na akong gi promise jud sa akong self pagka-uyab nato.  Mao sad na akong na feel nga kailangan nimo katong nakit-an tikaw sa Friendster niya gibasa-basa nako ang imong mga sad nga poems nga gipang himo.”

"I Love you too bhe."