A Love Story to Tell(Jaydee): Chapter 3: The Date

“Naglagot to imong ate nga gihatod tikaw?  Salamat sa time kanina.”  text ni Jaydee ni Hannah.

“Salamat sad sa paghatod.  Wala wui.  Dili raman na siya manghilabot nako.”

“Ahhh!  Abi ko ug naglagot to siya nako.  Hehehe!  Nag-unsa ka ron? ”

“Nag higda-higda, while nag basa ug lebro.  Nagbasa nasad ko ug V.C. Andrews nga lebro.  Hapit najud mahurot akong mga V.C. Andrews nga lebro.  Nag plan nako gani mangita sa ubang lebro. ”

“Gusto ka kuyogan tikaw ug pangita?  Asa man ka mangita sa mga lebro?  Nus.a man ka mangita sad?”  imbitar ni Jaydee.

“Hmm!  Pwede rasad.  Adto ko mangita sa SM.  Sa Book Sale.  Basin ugma ko molakaw.  Kung wala rakay lakton ok raman nako.  Hehe!”

“Wala raman koy buhaton sad ugma.  Sige kuyogan tikaw ha?  Unsa man ka time moadto?  Kwaon lang niya tikaw diha sa inyo.”

“Sige.  Mga 2PM lang guro.  See you ugma.”

* * * * *

Pagka ugma, nadugay ug abot si Jaydee kay gisugo pa siya sa iyang tita pag-adto sa Carbon, para mopalit ug us aka sako nga bugas.

“Sorry kaayo Char ha, nadugay ko.  Gisugo paman gud ko sa akong tita.” Pangayo’g pasaylo ni Jaydee ni Hannah.

“Ok ra wui.  Nana bitaw ka diri.  Adto nata na.”

Giingnan nalang ni Hannah si Jaydee nga okay ra nga nadugay siya para madali.  Pero ang tinud.anay, gisapot jud to siya kay wala nasunod sa plano ang ilang lakaw.  Sa dihang nana sila sa jeep, mas nisamot ang kasapot ni Hannah kay mosikit jud ug maayo ang batan.on.  Taga mag-istorya pajud kini niya kay mo dikit pajud kaau kini niya.  Wala nalang nagpa-halata si Hannah.  Mag smile ug mokatawa nalang kini sa mga gipang sulti ug sa mga joke sa lalaki.  Huna-huna niya, basig bungolon ning lakiha maong mo dikit jud igka storya nila.

Pag-abot nila sa SM, nideretso jud dayon sila sa Book Sale para paliton ang mga ganahang lebro ni Hannah.

“Tabangi ko ug pangita sa lebro.  Hehehe!” hangyo ni Hannah sa kauban.

“Unsa may nawong ana nila?  Para dali makit.an.”

Nakakita si Hannah ug usa sa kadtong lebro nga iyang gipangita ug iya kining gipakita ni Jaydee para matabangan siya ug pangita.  Nakakita sila ug bale’g upat ka tulo ka lebro pero pag tan.aw ni Hannah sa mga lebro nakahukom siya nga nay usa kabuok lebro nga kulang.

“Hala wala ang ika duha nga lebro.  Series man gud ni sila nga lebro gud.  So dili masunod if wala to.” pahibaw ni Hannah kang Jaydee.

“Palita nalang na.  Basin mawala pa niya na kung dili nanimo paliton.  Mangita lang ta sa lain basin naa tay makit.an.  Asa paman lain kaya nga store nay mga ingon ana nga lebro?”

“Bitaw sad sa?  Sige paliton nalang ko ni.  Tan.awon nato sa SM department store basin naa pud ngadto.”

Paghuman ug bayad ni Hannah sa mga lebro, ni deretso sila sa lebrohan sa SM Department store.  Didto naka kita siya ug duh aka V.C. Andrews nga lebro.  Ang isa ang katong kuwang nga lebro nga iyang gipangita ug ang isa kay an gang kulang sad nga lebro sa katong iyang gibasa karon.

“Hala! Naa jud sila.  Naa pajud sila ani.  Mao ni siya ang last nga book sa akong gibasa karon.  Weeeehhh!  Ay.  Kulang na akong kwarta. ” pahibalo ni Hannah.

“Naa paman ko extra money diri.  Palita na.  Akoy mobayad sa isa ka lebro.”

“Huh!?  Sure ka?”

“Lagi.  Pila mana ang isa ka lebro?  Aw tag 80.  Dara oh.  Bayari na kaw.”

Naulaw si Hannah pero gidawat gihapon niya ang kwarta ug gikilig sa offer ni Jaydee.  Paghuman niya ug bayad gipangutana siya ni Jaydee kung wala ba siya gotuma.

“Gigutom gamay.  Ikaw?  Gigutom naka?” maoy tubag niya.

Tuod, gigutom na ang batan.on.  Naka huna-huna si Hannah nga adto sila mangaon sa Tacos kay wala paman nakatilaw si Jaydee ug quesadillas.  Paghuman ug order ni Jaydee ug usa ka whole nga quesadillas ug iced tea nananghid si kini  nga biyaan sa niya si Hannah kadiyot kay mopalit kini ug hotdog sandwich sa atbang.  Pagbalik ni Jaydee, gipangutana ni Hannah si Jaydee kung nganong nipalit pa kini ug hotdog sandwich nga daghan raman ang quesadillas nga iyang gi order.

“Kuwangan ra ning quesadillas para nimo?  Hehehe!  Kaon na oh.  Lami lagi ni.”  pangutana ni Hannah.  Nikaon ra ug usa ka slice ang lalaki ug ni ingon nga para kang Hannah rajud to ang quesadillas nga iyang gipalit.  Pero pagka taud-taud ni tug-an kini nga dili jud kini mokaon ug quesadillas kay lud-an siya.  Dili kayo siya tigkaon ug utan ug dili sad siya mokaon ug prutas.

“Hahaha!  Mao ba?  Mura man ka ug akong duh aka ig-agaw wui.  Unsa guy naa sa prutas nga dili man ka mokaon ana?  Kalami ra ana ah.”

“Makahilo mana.  Sukad pajud ko pagkabata nga dili mokaon ana.  Ambot ngano sad.  Lainan ko sa iyang baho.” Esplekar ni Jaydee kang Hannah.

Pagka-human nila ug pangaon, nagsuroy-suroy sa silang duha sa SM una sila nanguli. 

“Naa pakay gustong adtuon? pangutana ni Jaydee.

“Wala naman.  Manguli nata?  Salamat sa pagkuyog ha?  Ug sa lebro.  Hehehe!”

“Pwede rasad.  Tana, ihatod na tikaw sa inyoha.”

Pagka-human ug hatod ni Jaydee ni Hannah sa ilang balay ning-uli ra dayon kini.  Pagkalabay sa kinse minutos nga nilakaw si Jaydee gikan sa balay nilang Hannah, ni text kini sa dalaga.

“Salamat sa time nimo karonng adlawa Char.  Nalingaw ug nalipay ko nga nagkuyog ta karon.”

Ning smile si Hannah pagkabasa niya sa text.  Nalingaw rasad kini kakuyog si Jaydee bisan pa ug ma pungot siya sahay sa pagka feeling close niya.  Ang text ug mga tawag ni Jaydee taga adlaw maoy iyang gi look forward.  Ig mata ug ig dayon niyang katulog mao kini ang iyang ka istorya sa telepono o ka text sa cellphone.