A Love Story to Tell (Jaydee): Chapter 1: Classmate

Natingala si Hannah sa pag login niya sa friendster account niya ug nganong nag send ug message niya si Jaydee.  Si Jaydee kay usa sa iyang mga classmate nga lalaki pag grade six niya.  Ang iyang mahinumduman sa kadtong naa pa sila sa elementarya, si Jaydee kadtong batang gamay nga nay puti nga labakara sa iyang likod pirme.   Taga buntag sa ilang klase, sa ilang homeroom, naa silay programa.  Naay mokanta sa atubangan o bisag unsa nga gusto nga Ilang I-presenta.  Si Jaydee kadto ang usa nga pirme mo presenter sa atubangan.  Nindot ang tingog ni Jaydee.  Ang iyang nahinumduman nga pirmenteng kantahon ni Jaydee sa atubangan kay ang kantang “Ocean Deep” ug “No One Else Comes Close”.

Sa pag open niya sa message nga gipadala ni Jaydee niya, nikunot ang agtang niya ug nikatawa human niya basaha ang message.

“Adik mani si Jaydee wui.  Ngano gud tawn ni siya mo ingon nga pwede makig friends.  Nga kaila naman mi daan.  Hehehe!” sulti ni Hannah.

“Friends naman ta daan.  Classmate man gud ta pag grade six gud.” ang tubag niya sa message ni Jaydee niya.  Pagkahuman niya ug send sa message, mga pila ka minute, nakadawat napud siya ug message gikan sa lalaki.

“Aw! Classmate diay ta sauna?  Wala lagi ko kahinumdum nimo.  Kinsa man daw atong adviser ato bi.  Niya pag sulti daw ug mga pangalan sa atong mga classmate bi.”  ang tubag ni Jaydee sa iyang gitubag nga message.

“Hahaha! Dili lagi jud motuo nako.  Si Mrs. Coniconde gani to atong adviser ato.  SIlang Keren, Rhea, Clyde, Aries, Zack ug Haidee mao na sila atong mga na classmate pagka grade six nato.  Ikaw gani tong bata nga gamay nga nay lakakara nga puti sa iyang luyo pirme.  NIya mokanta dayon ka ug Ocean Deep sa atubangan sa klase igka buntag.  Hahaha!  Ga kiat lang tong imong nawong sauna.  Hahaha!”  ang gi type nga tubag ni Hannah.  Nalingaw kini nga nakig baylo ug message sa iyang classmate sauna.  Naka hinumdom siya sauna nga naa siyay autograph nga gipa signan niya ni Jaydee ato.  Iya katong giukay sa kahon kung asa niya gibutang ang mga memorabilia nga iyang nadawat.  Pagkita niya sa autograph, iya dayong gipangita ang page kung asa ni sign si Jaydee.  Sa pagkabasa niya sa tubag ni Jaydee sa pangutana nga “Who is your crush?”, nalingaw si Hannah.  Usa siya sa gisuwat ni Jaydee.

“Kinsa kaha ang nag suwat-suwat aning mga tubag ai.  Murag dili man siya ang nagsuwat ani.”  huna-huna ni Hannah, samtang nagbasa-basa sa iyang autograph.  Iyang gi tan.aw balik ang iyang Friendster kung ni reply naba si Jaydee.  Ug tuod, ni reply na kini.

“Hehehe!  Classmate jud diay ta pagka elementary.  Pero wala lagi jud ko naka remember nimo.”  Maoy tubag ni Jaydee.

“Dili gyud guro ko nimo mahinumduman, kay hilomon man ko pag grade six nato.  After sa klase kay mo uli man ko dayon sad gud samtang kamo magduwa ug Japanese game.  Hehehe!  Pero ako bitaw tong kuyog-kuyog ni Keren ug uli ug mokanta sa atubangan ug To Love You More ni Celine Dion.  Hahaha!”

Nagpadayon kadto ang ilang pag-istorya sa Friendster.  Nag texanay sad sila ug nagtawagay sa telepono.  Nalingaw jud si Hannah nga kaistorya si Jaydee.   Hangtod nga usa ka adlaw niana si Jaydee nga gusto kini nga makigkita kaniya sa ilang eskwelahan.  Pareho ug gi eskwelahan si Hannah ug Jaydee sa kolehiyo, pero lain-lain lang ilang kurso ug bisag igka usa, wala jud kini sila nagka-tagbo sa campus.