A Love Story to Tell (Jaydee): Chapter 2: The Meet-up

“Magpa enroll nako this Monday morning, kuyog sa akong amiga.  Kay para magka pareha mi ug schedule.”  ang text ni Hannah kang Jaydee.

“Ahh! Mao ba?  Sige magpa enroll pud ko ana nga day, magkita lang pud niya ta igka hapon ana nga day.  Okay ra nimo?” balos ni Jaydee.

“Yup! Okay ra wui!  Pero ig human namo ug pa enroll kay mag suroy-suroy mi sa Colon ug Carbon.  Hehehe!  Text lang niya kung mahuman naka ug pa enroll.  Adto raman sad mi mag tambay sa CMO ig human namo ug laroy-laroy.  Adto rako maghuwat nimo.”

Tuod, paghuman ug pa enroll ni Hannah ug sa iyang bestfriend nga si Retchel, nag lakaw-lakaw sila sa Carbon ug sa Colon.  Namalit ug bisag unsa nga ilang magustuhan, kutob sa maabot sa ilang dala nga kwarta.  Pagbalik nila sa eskwelahan, gi texan dayon ni Hannah si Jaydee nga humana sila ug lakaw-lakaw ni Retchel ug kung human aba kini ug pa enroll.

“Wala pa raba ko nahuman.  Pero hapit na.  Last step nalang.  Makahuwat raka kadiyot?” balos ni Jaydee.

“Okay ra wui.  Nag-tambay paman sad mi diri sa CMO.  Huwaton ra tikaw.”

Pagkahuman sa mga trayente ka minutos, ni text pagbalik si Jaydee nga humana daw siya ug pa enroll, nga naa rad aw siya sa hallway sa St. Ezekiel building naghuwat, naglingkod2x.  Nagsul-ob siya ug pink nga t-shirt.   NIgawas si Hannah sa campus ministry office ug pag-abot niya sa hallway, naa tuod didto ang iyang classmate pag grade six.  Taas na kayo kini.  Halos wala na siya kaila niini kay nausab jud kini.   

“Nausab man ka pag-ayo Jaydee wui.  Hehehe!  Wala nasad kay labakara sa luyo.  Hahaha!”  binoang ni Hannah kang Jaydee.

“Hehehe!  Nasugatan man tamo kanina sa lobby.  Wala ka kabantay.  Sige man gud mo ug tabi sa imong amiga.  Then di gyud guro ko nimo mabantayan kay dili man ko gwapo.  Hehehe!”  tubag ni Jaydee.

“Drama ani niya wui.  Hehehe!  Pero wala jud bitaw ko kabantay nimo ai.  Sorry.  Basta magkuyog mi sa akong amiga kay naa jud mi amoang world.  Hahaha!  Pero bisan pag nabantayan tikaw kay dili japun ko makaila nimo wui.”

“Nausab jud diay ko sa?  Ikaw kay murag wala.  Hehehe!  Dili paka mouli?  Pangutana ni Jaydee kang Hannah.  Ug timing sad nga nigawas ang bestfriend ni Hannah ug nangagda na nga mouli.

“Sige uli nata.  Kuhaon sa nako akong gamit sa CMO.  Ay chel, si Jaydee diay, classmate nako pag elementary.  Si Retchel, friend nako.”

Pagkahuman ug kuha ni Hannah sa iyang butang sulod sa CMO, nanglakaw na dayon sila padulong uli.  Pagka-gawas nila sa eskwelahan, nag iya-iya na sila ug uli ni Retchel.

“Bye Chel.  Ingats!”

“Bye Char.  Kamo pud.” tubag ni Retchel.

“Okay ra nimo nga ihatod tikaw sa inyo?  Hehehe! Duol ra nuon inyo diri noh?” pangutana ni Jaydee sa dalaga.

“Okay raman.  Okay ra nimo maglakaw ta?  DIli man jud ko mosakay jud, kay kalas plete.  Hehehe!” uyon ni Hannah.

“Hahaha! NI andar ang pagka tihik ai.  Unsa man diay na imong gipang palit?”

“Plantsa para sa buhok.  Akong gipalitan akong ate.  Gisugo ko niya gud.”

“Pinangga jud kaayo na niya iyang ate wui.  Mopatuo jud sa sugo.  Hehehe!  Akoy dala ana imong mga dala bi.”

“Salamat.”

Pagka-abot nila sa balay nila Hannah, nakit-an sila sa iyang ate nga si Joanne ug sa uyab sa iyang ate nga si Jimbrey.  Pagkalakaw ni Jaydee nag sukit-sukit dayon ang ate ni Hannah kung kinsa to iyang kuyog.

“Kinsa to siya?  Nagka downgrade lagi imong taste. Hahaha!”

“Si Jaydee.  Classmate nako pag elementary.  Duklon taka ron.  Buotan raba kaau to siya.  Dara imong plantsa sa buhok oh.”  tubag ni Hannah sa iyang ate.  Nisaka dayon siya sa ilang kwarto nga magul-anon sa pagka hinawayon sa iyang ate.