A Love Story to Tell(Jaydee): Chapter 6: Meet the Parents

“Hoy! Kinsa kuno to ang lalaki nga ni ari sa atoa ganinang buntag nangutana si mama.  Imo ba kuno tong uyab.  Tian ka doh.” Text sa ate ni Hannah kaniya.  Pagka buntag, una siya ni duty sa iyang gi OJT-han, ning-adto si Jaydee sa ilaha para kuhaon siya.  Walay klase ang iyang manghod atong adlawa, mao tong pag-abot ni Jaydee sa ilaha nakit-an kini sa manghod ni Hannah.  Gi ingnan sa manghod ni Hannah nga si Jereco ang iyang mama ug gisugo sa iyang mama iyang ate nga pa texan si Hannah ug ipapangutana kung kinsa kadtong lakiha.

Wala ra gitubag ni Hannah ang text.  Kay naa man silay team dinner sa iyang gi OJT-han, nadugay si Hannah ug uli.  Gi texan niya iyang ate nga ipa ingon sa ilang mama ug papa nga madugay siya ug uli.

Pagka-ugma sa buntag, pag mata gyud niya, gipa tawag siya sa iyang mama.  Gipangutana siya bahin kang Jaydee ug kung nganong dugay siya nauli kagabii.

“Nag dinner paman mi sa akong ka team gud.  Ning abot man ang is aka head nga taga US mao to iya ming gi librehan ug dinner sa La Gondola sa Waterfront. ”

“Ahhh!  Mao ba?  Unya kinsa man tong ingon ni Jeco nga ni ari sa atoa?  Uyab to nimo?  Taga diin man to siya?  Asa man to siya nag eskwela?”

“Si Jaydee.  Uu uyab to nako.  Classmate to nako siya pagka elementary.  Sa USJ-R ra japun siya nag skwela karon.  HRM iyang gikuha.” tubag ni Hannah sa iyang mama.

“Dal-a niya to siya diri kanang naa mi.  Nganong wala man to nimo siya gipa ila-ila namo?  Abi ba naman nako ug si Bryan imong uyab?”

“Hehe!  Wa lang.  Amigo raman mi atong Bryan ma wui.  Bestfriend to nako.”

Paghuman nila ug storya sa iyang mama, nag-andam na si Hannah para mosulod na sa eskwelahan.  Iya dayon pud gi texan si Jaydee hingtungod sa ilang panag storya sa iyang mama.

“Ganahan daw siya maka-ila nimo.  Hala ka! Hehehe!  Bitaw bhe, inig laag nato igka Sabado kay ari lang niya ko kwaa sa balay, para mapaila-ila tikaw nila.”

“Makuyawan man sad ta ana bhe wui.  Hehehe!  Pero sige.”

Pagka-abot sa Sabado, niadto si Jaydee si Hannah para kuhaon kini.  Pagka-abot ni Jaydee sa balay sa dalaga, timing kaayo nga ning adto ang mga ig-agaw ni ini.

“Ma, si Jaydee.  Akong mama.  Mag-ilis sa ko.”  paila-ila ni Hannah sa iyang mama.  Pagka-hawa ni Hannah, gi interview dayon sa iyang mama ang batan.on.  Maayo nalang dali ra nahuman ug ilis si Hannah.  Pagka-naug ni ini gikan sa ilang taas, nanglakaw dayon sila ni Jaydee.

“Nakulbaan ka bhe?  Hehehe!  Unsa iyang mga gipangutana?”

“Kulbaan mulang.  Hehehe!  Nangutana raman to siya kung taga asa ko, mga ingon ana gud.”

“Ahhh!  Abi ko ug nangutana siya sa imong favorite color, food, ana.  Pina autograph.  Hahaha!” binoang ni Hannah.

“Adik jud ka bhe wui.  Hehehe!  Igka fiesta sa amoa, adto sa amoa ha?  Birthday sad na sa akong mama,  Ipa ila-ila tikaw.”

“Okay.”

Pagka-uli ni Hannah sa ilaha human sila nagkuyog ni Jaydee, gi ingnan dayon kini sa iyang mama nga dili kaayo mag seryoso sa lalaki.  Dili kini kaayo uyon sa iyang uyab tungod kay parehas ra silang duha ug edad pero naa pa sa second year sa kolehiyo si Jaydee.  Nagtuo kini nga basin nag bugoy-bugoy kato maong na awahi sa iyang pag eskwela.

* * * * *

Pagka-abot sa adlaw sa piyesta sa lugar kung diin nagpuyo si Jaydee, gikuyog sa batan.on si Hannah aron mapa ila-ila niya sa iyang pamilya.

“Layo-layo sad jud diay ning inyo bhe sa?  Mao diayng didto ka nagpuyo nalang sa balay sa imong tita sa Capitol.”  Nagsakay pa sila ug jeep dayon nagsakay nasad ug habal-habal bag.o sila naabot sa balay nilang Jaydee.

“Mo bless ko sa imong mama bhe?” pangutana ni Hannah kang Jaydee.

“Uu.  Bless lang.  Dili man pareho sa inyo among culture nga dli magmano ang uyab sa.  Hehehe!”

Naay duh aka igsuon nga babaye ug us aka igsuong lalaki si Jaydee.  Siya ang kinamaguwangan sa upat ka anak.  Naa silay gamay nga tindahan sa atubangan sa ilang balay.  Samtang nagluto pa sa ubang sud-an si Jaydee, naglingkod-lingkod ug nagtan-aw ug salida sa TV si Hannah.  Pagkagabii na, naabot ang papa ni Jaydee.  Nahadlok ug naulaw si Hannah.  Wala siya kahibaw kung modulo ba siya, nakigduwa nalang siya sa igagaw nga bata ni Jaydee.  Mga pila ka minutos ang nilabay, nangabot nasad ang mga relatives ni Jaydee sa ilaha.  Pagkakita sa iyang tita kaniya, ug human siya gipaila-ila ni Jaydee niini, gipa bless siya ug gi interview.

“Niya okay ra sa imong mama Char nga si Jaydee imong uyab?  Dili baya mi datu.” pangutana sa tiya ni Jaydee.

“Okay raman.  Dili man sad mi datu.”  Sa mga taga pangutana sa tiya ni Jaydee, ginagmay ra ang tubag ni Hannah tungod sa kakulba.  Maayo gani kay kadiyot ra kayo siyang gi istorya niini.  Pagkahuman nila ug pangaon, nangadto sila sa balay sa laing paryente ni Jaydee ug didto gipa ila-ila napud siya.  Pagka alas diyes sa kagabhion, kay manguli naman sad ang tiya ni Jaydee u gang iyang mga igagaw sa Capitol, ning dungan nalang sad sila.  Pagka-abot sa eskina sa Capitol, nanaug silang duha sa sakyanan sa titan i Jaydee ug nanakay ug jeep padulong sa ilang Hannah.  Sa jeep, na storya ni Jaydee nga ni ingon ang manghod nga lalaki niini nga Americana bad aw siya kay puti daw siya.  Nahisgot sad ni Jaydee nga nalain daw ang iyang amahan kay wala ni tagad si Hannah pag-abot niya sa balay.

“Nahadlok man gud ko sa imong papa bhe.  Then nagdula man mi ni Tian-tian gud.”

“Okay rato bhe wui.  Ako lang niya tong storyaon, o textsi nalang kaha.  Hehehe!”

“Ngeek!  Maulaw ko bhe wui.  Hehehe!”

“Sige na gud.  I send nako nimo ang number niya unya ha.  Naa nana nimo kung imo siyang texan or dili.”

Pagka-abot nila sa balay nilang Hannah ug pagka-uli ni Jaydee, gi texan tuod ni Hannah ang papa ni Jaydee.  Pero wala kini ni reply.  Pagkahuman ug text ni Hannah, ni text na kini ni Jaydee para matulog na ug nagpahibalo nga iyang gi texan ang iyang papa pero wala ning reply.  Bisan sa nahitabo ug sa iyang kakulba nga ma meet ang pamilya sa iyang uyab, nalingaw ra si Hannah sa iyang adlaw.  Nalipay siya nga na ila-ila niya ang pamilya sa iyang uyab.