A Love Story to Tell(Jaydee): Chapter 4: The Answer

Nagsugod na ang klase.  Bag.o lang naabot si Retchel ug Hannah sa Basak Campus para sa ilang sunod nga klase.  Samtang naglakaw silang duha sa catwalk, nikalit ug pangutana si Hannah kang Retchel mahitungod kang Jaydee.

“Chel, unsa imong tan.aw ni Jaydee?”  pangutana ni Hannah sa iyang amiga.

“Huh!? Ngano man?  Nanguyab to siya nimo?”

“Uu.  Kanina kay ni text siya, iya kong gipangutana kung unsa na daw akong tubag.  Wala man ko na inlove niya wui pero ganahan ko niya.  Magkasinabot man gud mi.  Buotan sad jud siya.  Pero dili man siya gwapo gud.  Pwede i-combine, ang nawong ni Mikki then kabuotan ni Jaydee?  Hehehe!  Bitaw wui.  Wa ko kibaw if ready naba ko nga mosulod ug relasyon or dili.”

“Pray lang Char.  Pangayo ug signs.  Okay raman siya.  Kahibaw ko unsa imong gikabalak-an.  Ang isulti sa imong ate noh?” ang tambag ni Retchel sa iyang amiga.

“Hehehe!  Uu.  Kahibaw baya ka sa akong ate.  Hinawayon kayo.  Dili sad ko ganahan nga lait-laiton siya sa akong ate.  Hahay!  Ambot wui dah.”

* * * * *

“Nganong nagdali man ka nga makahiaw sa akong tubag?”  text ni Hannah kang Jaydee.

“Mahadlok man gud ko nga mapunta ka sa lain.  Kinsa ragud tawn ko bawt sa uban siguro nga nanguyab nimo or naganahan nimo.”

“Hala wui.  Sigurista ani niya wui. ” ang reaction ni Hannah sa tubag ni Jaydee.  “Ingnan lang niya tikaw sa akong tubag unya.”  ang tubag ni Hannah balik kang Jaydee.

* * * * *

Pag October 25, 2007, gitubag ni Hannah si Jaydee.  Pero gipasidad-an kini niya ang batan-on nga wala gayud siya na inlove pa niya.  Ganahan ra kini siya sa laki.

“Okay ra bhe.  Maghuwat ko sa panahon nga maka learn naka na mo love nako.” ang sulti ni Jaydee kang Hannah.  Sukad ato, bhe2x na ilang tawganay.

Ug tuod man, sa paglabay sa panahon, kay tungod sa pagka-buotan, caring, sweet ug pasensyoso sa batan-on, na inlove ra gyud si Hannah niya.  Nadunggan ra gayod niya ang dugay niyang gihuwat nga mga pulong gikan sa dalaga nga, “I Love You Bhe.”